Akvahub er inne i ei treårig hovudprosjektfase der formålet er å etablere grunnlag for ein prosjektorganisasjon i Leirvik i Sogn. Akvahub skal bidra til verdiskaping i og mellom eksisterande og nye eigarar. 

Akvahub er på vegne av Aducate AS involvert i utviklinga av ein plattform for kompetanseheving innan havbruk. Behovet for auka kompetanse innan fiskhelse, biologi og drift er stadig aukande og Aducate AS ynskjer gjennom dette å bidra til betre fiskevelferd i næringa.

Bulandet Miljøfisk AS har utfordra Akvahub til å adressere framtidige utfordringar og moglegheiter ved fiskeslam. Resultatet er eit forprosjekt finansiert av Innovasjon Norge saman med ei rekke kompetente partnarar. Målet er å etablere ei ny innovativ verdikjede frå fiskeslam til høgverdig produkt. 

Fleire aktørar ser på lukka oppdrettsteknologi som ei av løysingane på miljøutfordringane i næringa. Ved å dele utfordringar og samarbeide om tekniske løysingar kan utviklingsprosessen gå raskare. Sogn og Fjordane Fylkeskommune har derfor utfordra og finansiert Akvahub til å skape ein møteplass for desse aktørane.